Google Play xa ingresa máis en xogos que as consolas portátiles tradicionais

Que a chegada de smartphones e tablets están a empregarse masivamente como plataformas de xogo non é ningunha sorpresa, e aínda que as consolas portátiles continúan a ter certo pulo, parece que están a verse forzadas a un segundo plano pois, xa non só a plataforma de Apple factura máis en xogos que as consolas portátiles tradicionais no seu conxunto, senón que no último informe trimestral de IDC sobre o xogo móbil amósase que, por primeira vez, Google Play supera en ingresos ás consolas portátiles durante o segundo trimestre de 2013.
De feito, se combinamos os resultados da App Store e Google Play teriamos que estas tendas móbiles facturarían 4 veces o gasto en consolas portátiles. Estes datos están a ser moi representativos porque o prezo dos xogos para dispositivos móbiles é moi inferior que o das consolas portátiles, e incluso contan con moitos xogos de balde ou Free-to-Play (especialmente en Google Play) polo que parece que o futuro dos videoxogos portátiles está posto nas novas plataformas abertas a un grande público, de xeito que as consolas poderían verse relegadas a seren produtos relegados aos xogadores hardcore.