Samsung será o primeiro anunciante de 2015 en Twitter

Ao comezar o Aninovo destácase cal é a empresa que paga o primeiro anuncio televisivo emitido, o que é un signo de distinción, pero este ano o que pretende chamar a atención en España e a aposta de Samsung, que decidiu converterse no primeiro anunciante de Twitter en 2015 coa súa campaña #FelizAñoNuevo, a través da que poderemos ver a tendencia patrocinada pola compañía surcoreana para recibir o novo ano.
Samsung quere aproveitar o uso das redes sociais para felicitar a chegada do Aninovo, de aí que aproveite a medianoite entre hoxe e mañá para promocionarse a través de Twitter. Dende Twitter lembran que a frase “Feliz Año” comentouse na súa plataforma 3,35 millóns de veces hai un ano, de aí que o impacto da campaña publicitaria de Samsung pareza un éxito seguro.