A AETG e PuntoGal xuntan forzas cun obxectivo común: promover o galego nas TIC
venres, 5 de outubro do 2018
A
asociación
PuntoGal e a Asociación de Enxeñeiros de Telecomunicación de
Galicia (AETG) asinaron a semana pasada un convenio de colaboración
co obxectivo de ampliar as súas accións de colaboración con vistas
a promover o desenvolvemento do galego. O impulso á nosa lingua
levarase a cabo mediante o uso e incorporación das novas tecnoloxÃas
das telecomunicacións e contribuÃndo de forma conxunta á cultura
da nosa Comunidade.
O
acto de formalización do acordo desenvolveuse coa participación
activa dos representantes de ambas as entidades, Manuel González
González e Julio Sánchez Agrelo, como presidentes da Asociación
PuntoGal e da Asociación de Enxeñeiros de Telecomunicación de
Galicia respectivamente.
Segundo
sinalaron, o obxectivo é xuntar forzas arredor do galego e da
cultura de noso, impulsando actividades e proxectos arredor de
asuntos que resulten de interese para ambas as entidades, como por
exemplo a organización de actividades formativas, eventos de
interese común, proxectos e publicacións, etc.
Esta
acción enmárcase na colaboración institucional que existe dende a
creación do dominio entre ambas institucións e no marco do plan de
PuntoGal para incentivar o uso do dominio entre colectivos
representativos da sociedade galega.
