A TVG ofrecerá en primicia vía web os capítulos de A lei de Santos
venres, 24 de setembro do 2021
O pasado mes de maio a Televisión de Galicia sorprendía ofrecendo
en primicia na súa páxina web os novos episodios da súa serie Método
Criminal, e esta fin de semana repetirán a xogada con A lei de
Santos, serie que se mite na TVG os domingos pola noite, e que ofrecerase en primicia
a través de EnSerie.gal os sábados ás 15:00 horas, adiantándose así un día
a súa emisión tradicional.
Con esta medida a Galega busca adaptarse ás novas tendencias de consumo audiovisual,
para o que xa lanzaran no seu día EnSerie.gal (como un servizo de vídeo baixo
demanda orientado á ficción televisiva), e precisamente avanzando nesa
dirección confirman que en
2022 esta plataforma pasará a ser substituída por unha OTT da CRTVG que
ofrecerá todos os contidos á carta en diferentes soportes.
- EnSerie.gal publicará os capítulos de A lei de Santos con máis dun día de antelación
