A ciberseguridade centrou a cuarta edición do Foro Rexional ISMS Forum de Galicia

Na esquerda, Fernando Suárez, presidente do CPEIG, e á dereita, Julián Cerviño, director da Axencia para a Modernización Tecnolóxica de Galicia

O Capítulo Galego de ISMS Forum celebrou na mañá deste 12 de abril, mércores, a cuarta edición do Foro Rexional ISMS, no Galicia Abanca Auditorium da Coruña. Interviñeron, entre outros, Julián Cerviño, director da Axencia para a Modernización Tecnolóxica de Galicia (AMTEGA), que abordou os desafíos que expón a Intelixencia artificial en materia de privacidade e seguridade. Tamén participou na sesión Fernando Suárez, presidente do Colexio Profesional de Enxeñaria en Informática de Galicia (CPEIG).
O colofón a este cuarto Foro Rexional de Galicia foi a presentación do proxecto colaborativo Cybersecurity in a box, unha ferramenta dirixida ás pemes centrada en propoñer unha metodoloxía e un rexistro de solucións, tanto gratuítas como de pago, para que as empresas poidan ir mellorando a súa situación en materia de ciberseguridade.
Entre os relatores figuraban Roberto Baratta, director de continuidade de negocio e seguridade de Abanca, Noemí Gil, directora TIC da empresa galega CONGALSA, Efraín Gamboa, enxeñeiro de vendas de Crowdstrike, Jesús Díaz, director de Enxeñaría de Sistemas de Seur, Fede Vadillo, enxeñeiro de solucións sénior de Akamai, Roberto Heker, director de NextVision, ou Javier Larrrea, responsábel de seguridade da información de Gadisa, Samuel Bonete, responsábel de vendas en España de Netskope, Rafael San Miguel, enxeñeiro de solucións de dato de Cipher, Samuel Sancho, enxeñeiro sénior de solucións en Devo, David González, CISO en Coren, Carlos Pérez, CISO en Abanca, Gary Robertson, responsábel de Ecix Regtech, Alexandra Juanas, delegada de protección de datos de MásMóvil, Susana Rey, delegada de protección de datos en R, Carlos López, responsábel de risco dixital en Hijos de Rivera, e Ignacio Hornes, responsábel de protección de datos en Imotion Analytics.