A conselleira delegada de Ono augura a compra de R por parte de Vodafone

Rosalía Portela, conselleira delegada de Ono dende maio de 2009, concedeu unha entrevista para o xornal ABC, no que fai balance da compra da súa compañía por parte de Vodafone, asegurando que tiña claro que o destino de Ono era integrarse nunha empresa de maior tamaño para desenvolver o seu potencial, o que considera positivo para a empresa e para os seus clientes.
Portela insiste en que Ono vai continuar a funcionar do mesmo xeito tras a consolidación da operación de adquisición, mantendo equipo e produtos, polo que os clientes non deberían preocuparse. Os cambios chegarán no futuro, cando esperan poder beneficiarse mutuamente complementando servizos: Vodafone achegaría rede móbil e Ono rede fixa, permitindo así unha converxencia de servizos.
Pero un dos detalles que pódenos tocar máis de preto das declaracións da directiva da compañía de cable é que considera que os operadores Telecable, Euskaltel e R precisan tamaño, polo que augura que rematarán integrándose na súa compañía (aínda que matizando que ten que existir un entendemento entre todas as partes para que aconteza tal).