A terceira edición do Foro Unirede destacou o papel de Pontevedra na web social

A cidade de Pontevedra quixo abrirse ao mundo nos últimos meses aproveitando as posibilidades da Internet, para o a Concellaría de Turismo local desenvolveu unha serie de iniciativa centralizadas na páxina web Visit-Pontevedra, entre as que destaca a campaña Ponte al loro protagonizada polo papagaio de Pontevedra, Ravachol, que percorreu distintas localizacións para dar a coñecer a cidade galega. E toda esta actividade potenciada polas redes sociais foi o catalizador que fixo que o Foro Galego da Web 2.0, Unirede, mudase de ano a súa sede, para celebrarse no Centro Social de Novacaixagalicia, onde uns 140 profesionais do sector xuntáronse para enriquecer o seu coñecemento neste ámbito e relacionarse con outros axentes do social media galego.
A actividade que abriu a xornada do sábado, na que se desenvolveu o formal Foro Unirede, foi un relatorio sobre a presenza da marcas nas canles 2.0 impartida por Fátima Martínez, blogueira e directora executiva en Social Media Fidelity Management e directora do Master Executivo en Social Media e Marketing Dixital da Universidade de Alacante en Madrid. Martínez expuxo numerosos casos de uso de Facebook, Twitter e mesmo aplicación móbiles por parte de marcas para potenciar a súa imaxe a través das TIC, conseguindo captar tal interese que o hashtag #unirede converteuse en trending topic estatal.
Tras ver moitos grandes exemplos de aproveitamento da Internet por parte das marcas, chegou unha visión máis humana, achegada polo cociñeiro Pepe Solla, que quixo destacar en todo momento que a súa presenza nas redes sociais é persoal, e como exemplo desta filosofía, o estrela Michelín apareceu ante o auditorio cun lentes vermellos para dar conta da campaña ¿Con que ojos estás viendo el mundo?, iniciativa á que quixeron sumarse o condutor do evento, o comunicador José Manuel García e a concelleira local, Carlota Román, que presentou a campaña de promoción Where is Ravachol, da que deron detalles no encontro, así como presentaron o vídeo no que se resume a viaxe do papagaio pontevedrés:

Tras un breve descanso, retomou a sesión matinal Javier Sanz, autor do blog Historias de la Historia, que contou a súa experiencia que o levou do blog ao éxito, dando conta de como, partindo de vivir unha afección no seu blog, conseguiu colaborar en varias emisoras de radio, escribir para numerosas revistas e incluso publicar varios libros.
Para pór peche á sesión matinal, abriuse a porta a un par de experiencias de interese, para dar a coñecer a súa historia aos asistentes. Comezou Alicia Gil, quen explicou a súa viaxe profesional no mundo da moda e a beleza; tomou o relevo Edurne Baines, quen este ano veu como o seu proxecto Vivir Galicia conseguiu o recoñecemento como Mellor Blog Turístico no MexilOnseTuits; e Jorge Guitián e Anna Mayer conseguiron chamar a atención co seu proxecto #5eurosaldía, co que quixeron demostrar que é posible comer ben, san e variado 4 persoas por 5 euros/día realizando un consumo eficiente.
Xa pola tarde Luís Taboada e Marcos Suárez, de Qubitia Solutions, contaron a súa experiencia como empresa galega que foi á busca de fortuna a Silicon Valley. Esta compañía xa fora galardoada hai poucos meses pola edición galega do Premio Emprendedor XXI de La Caixa.
A este proxecto seguino outra iniciativa á que nos temos achegado en varias ocasións, 4gotas, que presentouse ao público da man de Beatriz Hervella, que contou moitos detalles do seu proxecto e adiantou algúns detalles dos pasos que vai seguir, deixando claro que é posible innovar incluso en ámbitos que parecen tan establecidos como o da meteoroloxía.
A parte central da sesión vespertina repartiuse en 3 mesas redondas temáticas, das que destacaremos a de Comunicación e Tecnoloxía, na que puidemos coñecer os puntos de vista de Fernando Rodríguez (Briefing Galego), Manuel Bustabad (Expreso.info), Laura Camino e David Serantes sobre varios dos retos que está a afrontar o ámbito da comunicación para sobrevivir nun contorno constantemente cambiante, dando conta do forte impacto que están a ter os novos hábitos de consumo provocados pola banda larga móbil e dispositivos como os smartphones e os tablets; así como as dificultades de facer sustentable a creación de contidos a través da publicidade ante a dificultade de cobrar aos lectores pola información.
A xeito de colofón do encontro, Diego Pons (Viajando con Diego), contou a súa transición de guitarrista a videoblogueiro de viaxes e aventuras polo mundo. Deu conta dos sacrificios que tivo que facer ata conseguir acadar un éxito que puidese converter a súa actual paixón nunha actividade profesional que consiste en publicar vídeos dando a coñecer distintos lugares do mundo, servindo como exemplo a súa viaxe por Pontevedra:

Tras todas estas experiencias para confirmado que o ano que vén o Foro Unirede volverá a ser o punto de encontro dos profesionais do social media, que aproveitan este tipo de xuntanzas para facer networking e coñecer os numerosos proxectos que nalgúns casos se coñecen antes fóra das nosas fronteiras, de aí que sexa necesario dende o que reivindicar a fortaleza deste sector na nosa terra.