Amazon Prime Video estrea tenda de filmes e documentais

martes, 28 de abril do 2020 Marcus Fernández

En España temos dende hai tempo Amazon Prime Video como un servizo de subscrición de vídeo baixo demanda, pero nas últimas horas baixo a mesma plataforma abriu unha tenda de películas e documentais na que temos dispoñibles moitas novidades en venda e aluguer como fan moitas outras plataformas, tirando así proveito da penetración de Prime Video en moitos fogares e dispositivos.
Os usuarios que aluguen un título poderán contar con el no seu espazo de vídeo durante 30 días a partir da data de aluguer e, unha vez iniciada a reprodución, terán un mínimo de 48 horas para velo (algún título pode ter períodos de visualización máis longos), o que a moitos pode lembrarlles ao aluguer en videoclubs tradicionais. No caso de mercar os títulos, estes permanecerán a longo prazo na colección audiovisual do usuario.

Compras 1-Clic

Cómpre advertir que o procedemento de compra ou aluguer é practicamente instantáneo (1-Clic), polo que se queremos certo nivel de seguridade para evitar compras accidentais é recomendable activar o control parental, de xeito que poderase configurar un PIN para completar as compras.

PUBLICIDADE