Elon Musk funda X.AI

venres, 14 de abril do 2023 Marcus Fernández

Hai uns días comentábase que Elon Musk fixera mercar 10.000 gráficas para correr procesos de intelixencia artificial para un proxecto dentro de Twitter que podería competir con ChatGPT, e agora The Wall Street Journal engade que Musk vén de fundar unha nova empresa de intelixencia artificial chamada X.AI Corp, rexistrada no estado de Nevada.
Lembremos que Musk xa participara inicialmente en OpenAI (entidade responsable de ChatGPT) e actualmente está a artellar as súas empresas ao redor da marca X Corp, dun xeito semellante ao que Facebook fai con Meta.
Resulta curioso que Musk emprenda agora un proxecto sobre intelixencia artificial cando leva meses criticando abertamente a OpenAI e incluso asinou unha carta aberta pedindo unha moratoria ao desenvolvemento de grandes intelixencias artificiais, o que pode dar a entender que simplemente estaba a buscar frear á súa futura competencia.

PUBLICIDADE