Ericsson non acudirá ao Mobile World Congress
martes, 9 de marzo do 2021
A poucas horas de que a
GSMA anuncie a súa intención de celebrar presencialmente o Mobile World
Congress de Barcelona este ano, semella que vai repetirse a historia do ano
pasado, e ao
igual que en 2020, Ericsson convértese no primeiro grande fabricante en
anunciar que non
acudirá ao MWC por motivos de seguridade.
Que Ericsson asegure que non acudirá aos MWC 2021 poucas horas despois do
anuncio do seu plan de seguridade poderÃa ser o preludio dunha serie de
anuncios na mesma dirección, xa que a realización de probas de detección do coronavirus
e as medidas de hixiene non parecen convencer aos grandes fabricantes para correr
un risco tan elevado como innecesario, pois non esquezamos que as compañÃas xa
reestruturaron a súa planificación anual para non contar coa feira de
Barcelona.
Que a GSMA pretenda xuntar a preto de 50.000 persoas nun recinto feiral en
Barcelona a moitos parécelles unha auténtica tolerÃa, e a incerteza provoca que
as compañÃas non estean a prepararse para a cita, o que con toda probabilidade
provocará unha cascada de cancelacións que levarán á suspensión do evento
presencial. Sorprende que non estivese sobre a mesa unha celebración virtual do
evento, coa súa data tradicional, para manter viva a marca, como están a facer
moitas outras feiras a nivel mundial, incluso as previstas para finais do verán
e primeiros de outono.