Indra desenvolverá a primeira fase do proxecto para converter A Coruña en Smart City
venres, 21 de xuño do 2013
A Unión Temporal de Empresas (UTE) formada por Indra, Altia,
Ilux e R adxudicouse a primeira fase do proxecto Smart Coruña, cuxo
fin é converter á cidade nun "referente
tecnolóxico" no ámbito das urbes do futuro, segundo informou Indra.
En concreto, a
UTE adxudicataria encargarase do deseño, subministración, instalación e
configuración de todos os equipos informáticos e infraestrutura software
que integrarán a plataforma Smart Coruña.
Esta plataforma integrarase cos sistemas municipais e facilitará a toma de
decisións intelixentes enfocadas ao cidadán, asà como o desenvolvemento e uso
sostible dos recursos, indicou a multinacional española. Asà mesmo, as empresas
asumirán a definición e posta en marcha da Oficina Técnica de Proxecto,
organismo responsable do asesoramento, supervisión e control técnico,
administrativo e estratéxico do proxecto.
A solución incorpora os últimos desenvolvementos europeos de I+D no ámbito
da domótica e dos servizos intelixentes a través de dispositivos móbiles,
asà como as máis modernas tecnoloxÃas en’’Open Data e visualización 3D en
tempo real. En concreto, a plataforma ten a súa base nos resultados obtidos no programa
europeo de I+D+i SOFIA (Smart Objects For Intelligent Applications) no que
Indra participou activamente.
Dentro desta UTE, o operador galego R poñerá a disposición da plataforma
urbana a súa rede de fibra óptica, que cobre xa o 97% das unidades
inmobiliarias da Coruña, e posibilitará a recollida da información grazas
aos máis de 2.200 puntos de conexión de concentradores de sensores
despregados por toda a cidade, mentres que Altia se encargará de integrar
a arquitectura de software para garantir a interoperabilidade da plataforma cos
sistemas municipais e con outras novas tecnoloxÃas e dispositivos.
Pola súa banda, Ilux Visual Technologies levará a cabo as tarefas de
desenvolvemento do sistema de visualización tridimensional e interactiva
do terreo e a integración de información xeolocalizada e actualizada en tempo
real sobre diversos ámbitos da cidade.