Instagram estrea canles de transmisión

Tras anunciar que WhatsApp contará en breve con canles, Meta confirma a súa aposta por esta tendencia dá a coñecer que as canles de transmisión de Instagram, que levaban uns meses en probas, están a espallarse a todo o mundo, facilitando así novas formas de que os creadores conecten cos seus seareiros.
As canles de transmisión de Instagram permiten publicar actualizacións de texto, vídeo e fotografía de xeito as recibirán os usuarios que se adhiran a elas, polo que sería un mecanismo de comunicación de un para moitos, aínda que tamén incluiría enquisas para poder obter resposta do público.
Os creadores poden publicar nunha canle cando o desexen, e estas canles son de libre acceso para calquera usuario, co detalle de que os usuarios que se unan á canle recibirán notificacións cando se publiquen actualizacións, de xeito que se converte nunha forma moi práctica de compartir detalles de actualidade. As subscricións poden realizarse a través dun adhesivo nas historias ou mediante unha ligazón no perfil de Instagram.
Esta nova ferramenta está en plena evolución, de xeito que vén de incorporar a función de permitir colaboradores (de xeito que os creadores poden invitar a outros usuarios par participar na canle), e están a traballar na incorporación de datas de expiración e da posibilidade de engadir moderadores (para facilitar a xestión de membros, mensaxes e contido, así compara poder publicar ligazóns en historias para animar aos usuarios a unirse).