Intel aparta ao seu director xeral

Non hai dúbidas sobre o mal momento que está a pasar Intel, que non consegue recuperar a súa posición de liderado na fabricación de semicondutores, quedando moi por detrás de Qualcomm, o que levou a que a súa cotización bolsista se resentise seriamente, de xeito que actualmente a compañía perdeu a metade do seu valor no que vai de ano, provocando rumores de compra por parte de Apple e Qualcomm (aínda que coméntase que Qualcomm tería retirado a súa oferta ante os posibles atrancos que poderían presentar os organismos de competencia).
Neste escenario tan negativo sorprende o anuncio de que o director xeral da compañía, Pat Gelsinger, vén de ser cesado polo Consello de Administración, quen iniciara a súa carreira profesional en Intel en 1979.
De xeito provisorio pasan a compartir a dirección da empresa os directivos David Zinsner e Michelle Johnston Holthaus mentres o Consello de Administración non designa un novo director xeral permanente.
A remuda do corpo directivo de Intel busca principalmente a recuperación da confianza do mercado, aínda que este tipo de movementos tardan bastante en trasladarse aos resultados das empresas, polo que non semella que Intel vaia incrementar a súa cotización bolsista a curto prazo, aínda que os cambios podería contribuír a reducir os rumores de venda da empresa.