Inycom e o CITIC achegaron ao noso tecido empresarial á Internet das Cousas
martes, 16 de maio do 2017
O
pasado 5 de maio as
instalacións do Centro de Investigación TIC (CITIC) da Coruña
acolleron un obradoiro práctico sobre as posibilidades e aplicacións
dos obxectos conectados para o ámbito industrial. O taller
Industrial Internet of Things veu da man da empresa Inycom,
firma estatal con sede na Coruña especializada en servizos TIC
avanzados e ferramentas de análise e eSaúde. A sesión serviu entre
outras cousas para abordar de cheo as vantaxes e posibilidades de IoT
(polas súas siglas Internet of Things) dende unha aplicación
práctica. Jesús M. DÃaz, responsábel da Transferencia
Tecnolóxica, Promoción I+D, Comunicación e Mercadotecnia do CITIC,
comezou a xornada presentando o centro a todos os participantes e
introducindo a Gabriel Barreiro, xerente de Contas de Inycom.
Barreiro,
xunto con Iván Laguna, director do Departamento I3 (EnxeñarÃa,
Integración e Innovación), falaron sobre sensores industriais,
protocolos e tráfico seguro de datos en fábrica. Asemade,
traballaron con casos de aplicación no sector industrial de maneira
que adestraron aos investigadores do CITIC e as máis de 20 empresas
presentes no obradoiro en procedementos prácticos como por exemplo
instalar sistemas de sensores para facer máis eficientes os procesos
de fabricación, incrementando a produción e reducindo custos.