Musk acorda a compra da totalidade de Twitter

Twitter anunciou que chegou a un acordo con Elon Musk para a adquisición da totalidade da compañía por 54,20 dólares en efectivo por acción, nunha operación valorado aproximadamente en 44 mil millóns de dólares, de xeito que unha vez completada a transacción Twitter deixará de ser unha empresa cotizada nos mercados bolsistas.
A operación supón o pagamento dun 38% máis do prezo das accións de Twitter o pasado 1 de abril, cando Musk se fixera aproximadamente co 9% da compañía. Podemos así considerar que a operación é beneficiosa para os accionistas de Twitter, que reciben unha boa compensación por unha empresa que leva anos cuns resultados moi inferiores ao de resto de plataformas sociais, e con poucos atractivos para a súa compra.
Musk asegura que «a liberdade de expresión é o alicerce dunha democracia funcional, e Twitter é o foro no que o futuro da humanidade se debate», de aí que entrase na compañía para defender esta postura e tamén para mellorar a plataforma con novas características, loitar contra o spam e abrindo os seus algoritmos para incrementar a confianza en Twitter.
O cadro de dirección de Twitter aprobou a transacción, que agora deberá recibir a aprobación dos accionistas e das entidades reguladoras para que poida completarse a compra de Twitter este mesmo ano.