O 31 de xaneiro a LaconNetwork celebrará o seu 4º aniversario

O encontro de emprendedores tecnolóxicos coñecido como LaconNetwork é xa un evento consolidado dentro do sector TIC galego, e para celebrar os seus catro anos de actividade vai xuntar a numerosos albaneis da nube en Porto do Molle (Zona Franca de Vigo) nun xantar que estará precedido por unha serie de charlas maxistrais e mesas de debate, mesturándose o encontro tamén coa entrega dos Premios EGANET, polo que é de agardar unha grande afluencia de público, de aí que nesta ocasión optouse por inscricións con custo progresivo, de xeito que quen queira participar deberá aboar 25 euros antes do 19 de xaneiro, mentres que o prezo os billetes será de 40 euros entre os días 20 e 26 de xaneiro, e os participantes de última hora terán que aboar 60 euros.
O 4º aniversario da LaconNetwork botará a andar o día 31 de xaneiro ás 10:00 horas, e entre os relatores confirmados para o encontro figura Enrique Dans, quen falará sobre comunicación en medios sociais e marca persoal.