O CEIP Virxe do Camiño de Rubiá gaña o concurso de cartaces de Política Lingüística con motivo das Letras Galegas
mércores, 16 de febreiro do 2022
A
Secretaría Xeral de Política Lingüística convocou un concurso
baixo o lema As letras
de Florencio entre os centros de ensino non universitario de
titularidade da Consellería de Cultura, Educación e Universidade
para elaborar unha exposición sobre a obra, época e lingua de
Florencio Delgado Gurriarán, o autor homenaxeado no Día das Letras
Galegas 2022, que se celebrará como todos os anos o 17 de maio.
O
centro de ensino que se fixo co primeiro premio
na categoría de Infantil e Primaria foi o CEIP Virxe do Camiño de
Rubiá, en Ourense, que conta con 49 alumnas e alumnos.
Os
deseños do alumnado serán impresos e distribuídos por colexios de
toda Galicia xunto cunha guía didáctica encamiñada ao alumnado de
Infantil e Primaria. Os cartaces son trinta pezas de gran formato
debuxados integramente pola rapazada e distribuiranse cunha unidade
didáctica elaborada tamén polo centro. Até que sexan distribuídos
pola Xunta (e mostrados ao detalle no
Portal da Lingua de Política Lingüística e nas súas redes
sociais) non poderán amosalos e de feito tiveron que retiralos das
súas publicacións en Internet para que permanezan inéditos. O
premio está dotado con 2.000€ que planean investir en equipamento
tecnolóxico para fomentar a creatividade.
Dende
o centro de ensino gañador, a súa directora, Andrea Tato, contaba
que xa se presentaran noutras ocasións pero que no caso de Florencio
puideron poñer en valor o traballo feito durante anos para difundir
ao autor valdeorrés: “Colaboramos co proxecto das Letras para
Florencio dende o inicio así que estabamos moi familiarizados coa
potencialidade da súa obra para traballar na escola, hai moito
Valdeorras neses debuxos e estamos moi contentos, claro”.
A
exposición gañadora Florencio Delgado Gurriarán, poeta do agro,
elaborada polo CEIP
Plurilingüe Virxe do Camiño vén acompañada da correspondente
guía didáctica, que nos permite realizar un percorrido polos intres
máis significativos da biografía, a obra e a época do autor a quen
se lle rende homenaxe este ano no Día das Letras Galegas.
Engadir
que na categoría B do concurso de cartaces, destinada a educación
secundaria obrigatoria, bacharelato, formación profesional e
ensinanzas de réxime especial, o premio queda deserto por non
presentarse ningún traballo.