O CITIC presenta o proxecto GEMA ante o tecido innovador galego
venres, 26 de xullo do 2019
Este
vindeiro luns boa parte do noso tecido investigador e empresarial
vaise xuntar na Coruña para coñecer as grandes liñas de actividade
do proxecto GEMA, Xestión da Mobilidade, que conta con financiamento
da Axencia Galega de Innovación (GAIN) a través do programa
Conecta PEME. A cita será a partir das 11 horas na sede do Centro de Investigación TIC da Universidade da Coruña, no Campus de Elviña. O CITIC
forma parte deste proxecto, en consorcio con GESUGA, Enxenio, Mayores
e Taprega. Estas cinco entidades serán as protagonistas do
evento, que contará coa presenza de representantes de todas elas.
Esta
iniciativa obtivo un financiamento de preto de 800.000 euros por
parte da GAIN (Axencia Galega de Innovación) a través do programa
Conecta PEME, cuxo obxectivo é fomentar a cooperación entre as
pequenas e medianas empresas e os demais axentes do sistema
autonómico de innovación a través do apoio a proxectos de I+D+i
orientados ao mercado e aliñados cos retos e prioridades
identificados na RIS3 para Galicia.
O
proxecto GEMA (acrónimo de GEstión de la MovilidAd), comezou
a súa andaina o pasado mes de marzo e rematará en febreiro do 2022,
abordando catro retos de investigación: a planificación intelixente
de roteiros, axendas e horarios; a etiquetaxe semántica automática
de traxectoria; a representación, almacenamento e explotación
eficiente de traxectorias, e o desenvolvemento automatizado de
software de Movile Worforce Management.