O CPEIG organiza un curso de protección de datos co ISMS Forum
mércores, 30 de setembro do 2020
O
Colexio Profesional de Enxeñaría en Informática de Galicia (CPEIG)
vai organizar unha actividade formativa para profesionais que queiran
introducirse ou perfeccionarse nas técnicas e tecnoloxías máis
acaídas para salvagardar a información. Estamos
a falar do Curso Especialización en Protección de Datos (CEPD),
programado en colaboración co Data Privacy Institute (DPI) de ISMS
Forum.
Celebrarase
do 1 ao 28 de outubro na modalidade online, a través de aula
virtual, de luns a xoves en horario de 16.00 a 21.00 horas.
Serán
60 horas de duración divididas en 15 sesións. Segundo fai saber o
colexio que presidente Fernando Suárez, o curso terá un custe de
750 euros por alumno e coa posibilidade de realizar exame de
certificación posteriormente en Galicia (formación adaptada ao
esquema de certificación de DPD da Agencia Española de Protección
de Datos e actualizado segundo a nova LOPD-GDP). Para máis
información, cómpre contactar coa conta de correo
formacion@ismsforum.es.
