O grupo VARPA e PsicoVR recoñecidos con Premios Spin-Off PuntoGal
venres, 6 de novembro do 2020
O grupo VARPA (Visión
Artificial e Recoñecemento de Patróns) da UDC, dirixido polo investigador do
CITIC Manuel F. González Penedo, vén
de recibir o Premio Spin-Off PuntoGal na categorÃa dedicada a Grupos de
Investigación. Estes galardóns, que teñen o obxectivo de recoñecer as
mellores e máis innovadoras iniciativas empresariais xurdidas no ámbito das
tres universidades galegas.
O xurado destacou o traballo realizado dende hai anos polo
grupo no desenvolvemento de programas informáticos para a telemedicina, un
campo no que o grupo conta con contratos, patentes e publicacións moi
destacadas. Ademais, tÃvose moi en conta o traballo que está a desenvolver
actualmente na investigación para mellorar o diagnóstico nos pacientes da COVID-19
e a predición da súa evolución.
No apartado Idea Emerxente dos Premios Spin-Off PuntoGal
a gañadora foi a empresa PsicoVR que
traballa no campo da realidade virtual e que desenvolve actualmente diversos
proxectos para empresas e institucións de prestixio. Entre as razóns para a
concesión do premio, o xurado referiuse ás solucións aportadas pola empresa
para necesidades coma a atención sanitaria e o coidado das persoas maiores.
Nesta categorÃa obtivo unha mención coma finalista a empresa lucense Data
Monitoring, que desenvolve ferramentas informáticas para aplicar en diversos
sectores produtivos.
Nesta edición dos Premios Spin-Off PuntoGal presentaron
candidaturas preto de quince empresas e grupos de investigación de diversos
sectores. O xurado, no que figuraban investigadoras galegas de prestixio e un
representante da SecretarÃa Xeral de Universidades, destacou especialmente a
alta calidade das propostas presentadas. Os galardóns serán entregados nun acto
que terá lugar cando as condicións sanitarias o permitan.