Os Premios EGANET destacan o mellor do sector TIC galego na súa décima edición
venres, 31 de xaneiro do 2014
A Asociación de Empresas Galegas Adicadas a Internet e ás Novas TecnoloxÃas (EGANET) celebrou por décimo ano consecutivo os seus Premios para salientar os proxectos galegos do sector TIC que pola súa actividade punteira, a súa capacidade innovadora e o seu impacto económica e social merezan estar presentes neste escaparate que é unha excelente mostra do volume de proxectos tecnolóxicos que se están a desenvolver dende Galicia.
- O presidente da RAG agradeceu o galarón para o Portal das Palabras
O acto de entrega dos X Premios EGANET estivo conducido por Marisol Vázquez (Grupo
Affines) e Eloy Gesto (Escuela Inventa), promotores de OpenYourMindSCQ, e
comezou dando a coñecer o que consideraron merecedor de recibir o premio ao
mellor proxecto colaborativo TIC, que non foi outro que o Portal das Palabras, presentado
por ImaxÃn Software, a Real Academia Galega (RAG), a Fundación Barrié e CG
Produccións. Xesús Alonso Montero, presidente da RAG, foi o encargado de agradecer
este Premio, salientado a importancia da palabra para a nosa cultura e
sociedade.
O premio á mellor aplicación software irá a parar a SmartNauTic,
un navegador náutico en realidade aumentada presentado por Human Soft; como
mellor proxecto de comunicación dixital premiouse o traballo desenvolvido no Castelo da Rocha Forte, unha iniciativa do
Concello de Santiago de Compostela; e como negocio en liña o máis destacado foi
o programa de fidelización e comercio electrónico de Disashop, Un
Puntazo.
- CreAPPcuentos recibiu o recoñecemento do público como mellor proxecto emprendedor TIC
Os devanditos premios foron elixidos por un amplo xurado de profesionais do
sector, pero para recoñecer ao mellor proxecto emprendedor TIC optouse polo
voto popular a través de Facebook, o que levou a subliñar o proxecto CreAPPcuentos, que nas últimas semanas
recibiu máis recoñecementos, como mostra do atractivo que ten esta solución para a creación
de contos personalizados dende tablets.
- Os socios de EGANET destacaron este ano o papel do programa Banda Ancha da Radio Galega
Os socios da Asociación tamén acordaron entregar este ano o Premio Especial
EGANET ao programa Banda Ancha da
Radio Galega, polo seu labor para divulgar entre os galegos o papel do sector
TIC na nosa sociedade. Recolleu o premio o director do programa, Xosé MarÃa
Fernández Pazos, quen tivo a ben destacar tanto a necesidade de divulgar sobre
tecnoloxÃa facendo uso da nosa lingua como a riqueza que ten o sector
tecnolóxico na nosa comunidade autónoma, como demostraron os centos de
proxectos que pasaron polo espazo radiofónico durante máis de catro anos.
O colofón da gala foi o tradicional discurso do presidente de EGANET, VÃctor
López (AVA Soluciones Tecnológicas),
que deixou a súa habitual postura reivindicativa para amosarse máis optimista,
querendo transmitir a sensación de que estamos no bo camiño para poder saÃr da
crise actual.
- FotografÃa de familia dos finalistas dos Premios EGANET deste ano