Premiado o curso en liña da UDC sobre educación musical e software libre
martes, 22 de xaneiro do 2019
A
Universidade da Coruña vén de obter un importante recoñecemento ao
seu labor formativo e innovador. Máis
polo miúdo, recibiu o Premio Innovación Educativa MirÃadaX 2018 de
mans da Telefónica Educación Dixital. O motivo? O lanzamento do
primeiro MOOC (Massive Open Online Courses) da Universidade da
Coruña, impulsado en colaboración coa Universidade de Cádiz.
Trátase do curso en liña Música para o S.XXI: achegas do
software libre á educación musical. Segundo
conta a UDC, foi seleccionado entre preto dun cento de candidaturas
de 44 universidades de oito paÃses.
O
curso está coordinado polas profesoras RocÃo Chao Fernández,
da Universidade da Coruña, e Sara Román GarcÃa, da Universidad de
Cádiz. Foi deseñado, gravado e editado dende a Unidade de
Teleformación do Centro Universitario de Formación e Innovación
Educativa (CUFIE) da UDC. Amais, contou coa colaboración do servizo
técnico de audiovisuais da Facultade de Ciencias da Comunicación,
asà como co alumnado bolseiro desta mesma facultade.
O
obxectivo deste curso online é que o alumnado desenvolva as
competencias musical e dixital utilizando a metodoloxÃa de e-music
learning. Ou sexa, aprendizaxe musical a distancia.
En
termos máis concretos abrangue catro módulos. No primeiro trátanse
conceptos xerais sobre a competencia en medios, a importancia da
incorporación das TIC ao eido musical e os beneficios do emprego de
software libre no ensino da música. Nos tres restantes danse a
coñecer as posibilidades que ofrecen tres programas de software
libre para a aprendizaxe e a práctica musical: Lenmus, MuseScore e
Audacity. Estes, segundo informan as coordinadoras da actividade
formativa, permiten coñecer conceptos de linguaxe musical mediante
prácticas progresivas, realizar edición de partituras e creacións
musicais e elaborar materiais prácticos.
Pola
súa banda, MirÃadax é unha plataforma de MOOC iberoamericana,
iniciativa de Telefónica Educación Dixital, que aposta por impulsar
o coñecemento en aberto no ámbito rexional da Educación Superior.
