Presentada esta tarde en Santiago as solucións que Samsung ofrece para os centros de ensino

Da man de FOGA, a empresa galega achegou a Samsung School a distintos colectivos relacionados co ensino. Trátase dunha solución centrada na aprendizaxe diaria dos estudantes para que obteñan os mellores resultados.
Con ampla experiencia en tablets e no desenvolvemento de software, a multinacional coreana xa implementou a súa solución en colexios e chega agora a España de man de FOGA.
A tecnoloxía Samsung School pretende manter aos estudantes atentos, fomentar unha experiencia positiva de aprendizaxe, axudar aos profesores a prestar atención personalizada a aqueles alumnos que o necesitan e permitir unha mellor xestión da aula. O proxecto involucra aos estudantes con ferramentas tecnolóxicas dinámicas e innovadoras de última xeración.
A presentación desenvolveuse durante un obradoiro práctico que tivo lugar no Colexio Junior´s de Santiago e no que participaron profesionais relacionados co ensino, coa investigación e coa xestión dos centros. Nas prácticas participaron especialistas en solucións e en programas e aplicacións para a educación, para o que contaron co apoio da empresa especializada en solucións integrais de comunicación FOGA.