R sobe de 500 Mb a 1 Gb os seus plans de datos móbiles

Os usuarios das tarifas móbiles de R cos plans de datos máis cativos están de parabéns, pois o operador galego de telecomunicacións vén de dar conta da mellora do seu servizo ampliando o volume de tráfico que inclúe nas súas tarifas mini+internet, plana 200 24h e plana mini a máxima velocidade de 500 Mb a 1 Gb, sen custo adicional para os seus clientes e de aplicación automática a partir do 20 de maio para clientes particulares e do 1 de xuño para profesionais e negocios.
Con esta mellora R consegue manter a competitividade das súas tarifas móbiles máis baixas con acceso á Rede, estando á altura de moitos Operadores Móbiles Virtuais que están a apostar por incluír acceso á Rede nas súas tarifas de menos de 10 euros/mes como reclamo para captar clientes, aínda que no caso do operador galego cómpre destacar que as condicións poden resultar aínda máis vantaxosas, por poder combinarse con produtos domésticos da compañía, coa conseguinte bonificación por parte da compañía.