Tres mozos de Vigo gañan o II Reto Tecnolóxico de SATEC

A multinacional tecnolóxica española Grupo SATEC entregou este 19 de setembro os premios aos gañadores do seu II Reto Tecnolóxico, celebrado o pasado mes de xuño. Nesta segunda edición do hackathon, o equipo do IES de TEeis (Vigo), resultou gañador entre dez equipos de oito institutos de distintos puntos de Asturias, Palencia, Valladolid e Vigo.
SATEC convocou os participantes ás 9 da mañá do 14 de xuño para que competisen no seu desafío a través da plataforma Teams. Tras unha apertada final, impúxose o equipo composto por Ricardo Antón Dávila Carro, Brais Paz Alonso e Juan Alberto González Cameselle, do IES Teis de Vigo. Cada un dos tres alumnos obtivo como premio unha bolsa para traballar en SATEC, nos servizos BPO que a multinacional aguzosa aos seus clientes na súa sede durante un ano, ademais dun trofeo conmemorativo e unha tarxeta regalo de Amazon.
Coa intención de promover o talento novo, SATEC organiza os seus retos tecnolóxicos destinados a que os estudantes de Secundaria poñan a proba os seus coñecementos de comunicación e redes e poidan interesarse polas carreiras tecnolóxicas.
Seguindo este fío a empresa lembra que unha das gañadoras do anterior hackathon, bolseira por SATEC, foi incorporada ao persoal da multinacional unha vez extinguida a bolsa que obtivo como premio.