Os usuarios de reloxos conectados con Wear OS levan anos podendo gozar dunha aplicación de WhatsApp que permite algo máis que simplemente recibir notificacións e contestalas, facilitando a consulta das últimas conversas e o envío e recepción de mensaxes de texto e voz, facendo así posible o soño de moitos usuarios de reloxos con conectividade móbil: poder saír da casa sen o smartphone e sen temor de quedar desconectados.
Temos así que aínda que os Apple Watch sexan os reloxos conectados máis completos do mercado, a súa versión con conectividade móbil resulta pouco recomendable, ao non facilitar un uso completo do WhatsApp, algo que vai mudar proximamente, xa que a aplicación de WhatsApp para Apple Watch xa está en beta, polo que os afortunados en ter acceso a esta aplicación a través de TestFlight poden gozar de funcións de WhatsApp que ata agora estaban limitadas a dispositivos con pantallas máis grandes.
Lembremos que WhatsApp tamén estivo moitos meses en probas antes de chegar a iPad, polo que é difícil predicir cando estará a aplicación dispoñible para todos os usuarios de Apple Watch.
WhatsApp chega en probas ao Apple Watch
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
