Xa está dispoñible dende España o servizo de subscrición de xogos de EA para Xbox One

A poucos días da súa presentación, o servizo EA Access, que facilita o acceso a un interesante catálogo de xogos de Electronic Arts mediante subscrición para consolas Xbox One xa está finalmente dispoñible, incluíndo a España entre os países nos que se estrea, de xeito que por 3,99 euros/mes podemos gozar de xogos por valor de máis de 100 euros (que inicialmente son FIFA 14, Madden NFL 25, Battlefield 4 e Peggle 2, á vez que pode conseguirse rebaixas do 10% en compras dixitais de EA e tamén poder gozar ata 5 días antes de títulos como Dragon Age Inquisition, FIFA 15, Madden NFL 15, NBA Live 15 ou NHL 15 (tempo no que poderase gozar dos xogos como se fose comprados no lanzamento, data a partires das que se bloquearán os títulos, podendo continuarse as partidas onde quedaron de decidir o usuario a súa compra).
O servizo xa está dispoñible na tenda de Xbox One e, para poder completar a súa subscrición será preciso contar cunha conta de usuario activa en Origin, o servizo de xogos en liña de EA. A subscrición renovarase automaticamente agás que o usuario a cancele activamente.