ZTE cesa as súas principais operacións

Tras a sanción do Goberno dos EE.UU. contra o fabricante chinés ZTE quedaba claro que a compañía non podería seguir equipando procesadores de Qualcomm nos seus smartphones, o que provocaría un profundo cambio no seu catálogo, pero as dúbidas sobre a viabilidade da división de móbiles de ZTE chegaba cando tiveron que analizar se poderían seguir a empregar a licenza de Android, dado que boa parte do sistema operativo móbil depende de Google.
Ante esta funesta situación, a compañía chinesa vén de cesar as súas principais operacións, para centrarse en conseguir a retirada das sancións norteamericanas, ou sexa, que é bastante probable que non volvamos ver smartphones de ZTE durante os vindeiros 7 anos, no que podería ser só a primeira retirada dun fabricante chinés do mercado occidental por presións dos EE.UU., Goberno que tamén parece terlla xurada a Huawei, de xeito que nos vindeiros meses espéranse novas medidas proteccionistas para evitar que as grandes tecnoloxías de telecomunicacións poidan rematar en mans de compañías que poidan verse influídas polo Goberno chinés.