bq comercializará o seu primeiro smartphone o mes que vén

venres, 8 de febreiro do 2013 Marcus Fernández

A compañía español bq leva uns meses ampliando o seu catálogo, de xeito que tras ser coñecida polos seus lectores de libros electrónicos conseguiu consolidarse como un referente en tablets económicos, e agora parece querer ampliar o seu negocio aos smartphones, pois vén de filtrase o que serían as especificacións do futuro bq Aquaris, un smartphone Android con pantalla IPS de 4,5 polgadas de 960 x 540 píxeles, procesador ARM Cortex A9 de dobre núcleo a 1 GHz, gráfica PowerVR Series5 SGX, 1 Gb de RAM, 4 Gb de almacenamento interno ampliable mediante tarxetas microSD, cámara traseira de 8 Mpíxeles con enfoque automático e flash, cámara frontal VGA, Bluetooth 4.0, Wi-Fi N, micro USB 2.0, GPS, batería de 1.600 mAh, un grosor de 10,2 milímetros e un peso de 130 gramos, que espérase que chegue a primeiros de marzo ás tendas a un prezo libre de 179,90 euros, o que resulta bastante interesante se tempo en conta que estamos ante un dispositivo con dobre SIM.
Queda agora por ver se en mercados como o español hai espazo para smartphones libres de segundas marcas, pois o sector é moi dinámico e competitivo, á vez que ten unhas marxes de beneficios moi estreitas, que dificulta que compañías de pequeno tamaño poidan facerse un oco.

PUBLICIDADE