12 Lúas presenta Curtamania, nova lanzadeira de audiovisual galego
martes, 8 de xullo do 2008
A plataforma 12 Lúas, o proxecto colectivo e dixital de creación artÃstica nado ao abeiro da pasada celebración do 17 de maio (Letras Galegas e Rede, todo significativamente a un tempo), está a promover actividades a través da Internet para ceibar ao panorama audiovisual galego de moitos dos atrancos que lle impiden chegar ao espectador. Con este fin, os responsables do devandito obradoiro en liña están a presentar a lanzadeira de curtametraxes CurtamanÃa, que xorde coa arela de tirar partido dos propios recursos da Internet (cada vez máis participativa) para impulsar este tipo de expresión artÃstica, o uso da propia Rede e mesmo a aposta pola nosa lingua.
A iniciativa, que xa ten caderno propio, achegaralle á comunidade internauta unha nova peza audiovisual cada semana. Na imaxe, a curta Incomunicados, de Juan Galiñanes, xa presentada estes dÃas no dito blog.
Lembrar que do colectivo 12 Lúas falamos hai uns dÃas nesta mesma web, e tamén da súa vontade de tirar proveito (facendo uso de licenzas abertas, as Creative Commons con base derivativa) da mestura de dous ingredientes encamiñados a atoparse e mesmo a entenderse: as artes e a Rede. Trala proposta, atópanse artistas que tocan moi diversos ámbitos de expresión: Veronika Cernadas, Alberte MuÃño, José M. Olveira, Esperanza Porto, Francisco Porto, Gabriela RodrÃguez e Eugenio Sánchez.