A Nintendo DSi terá un modelo con pantallas de 4,2 polgadas

Tras rumores nin confirmados nin desmentidos por Nintendo, finalmente dan a coñecer no Xapón a consola portátil Nintendo DSi LL, que sería unha versión da DSi que incrementa a súa pantalla de 3,25 a 4,2 polgadas e que chegará ao mercado nipón o 21 de novembro a 20.000 iens (149,4 euros) mentres que en Europa deberemos agardar ao primeiro trimestre para vela nas tendas a un prezo superior ao da actual DSi e baixo o nome de Nintendo DSi XL.
Pero o cambio na pantalla ten moitas consecuencias, coma un incremento considerable nas dimensións da consola (de 137 x 74,9 x 18,9 mm a 161 x 94,4 x 21,2 mm) e no seu peso (en 100 gramos), converténdose na consola desta xeración máis pesada (ten o dobre de peso que unha PSPgo) e voluminosa (superando incluso á primera PSP).
A stylus tamén cambia de tamaño, para tomar unha aparencia semellante á dun bolígrafo, e coma vantaxe podemos comentar que o incremento de tamaño tamén permitiu mellorar a batería, de xeito que, aínda que continúa a ter unha autonomía menor que unha DS Lite, pasa das 3-14 horas da DSi a 4-17 horas de duración.
A nova consola incluirá 3 xogos de DSiWare preinstalados (2 tipo Brain Training e o DS Easy Dictionary).

O deseño da nova DSi conserva a mesma liña das súas predecesoras