AGESTIC propón á AMTEGA liñas de actuación para a modernización tecnolóxica de Galicia

José María López Bourio, presidente de AGESTIC

A Directora da Axencia de Modernización Tecnoloxica de Galicia, Mar Pereira, reuniuse esta mañá coa Xunta Directiva da Asociación Galega de Empresas TIC (AGESTIC) presidida por José María López Bourio para analizar un Documento elaborado polos servizos técnicos desta Asociación Empresarial que contén unha Proposta con oito liñas de actuación para a Modernización Tecnolóxica de Galicia.
AGESTIC formulou á AMTEGA, actuar nos seguintes puntos:
 Smart City
 Fogar e edificio dixital
 Green TIC
AGESTIC, considera prioritario promover a modernización, o despregamento e a evolución tecnolóxica das infraestruturas de telecomunicación galegas, tanto na área urbana e rural (Smart City) coma no ámbito da edificación (Fogar e Edificio Dixital Sostible) e as tecnoloxías verdes (Green TIC) para garantir a correcta provisión das necesidades de comunicación da Sociedade da Información.

López Bourio durante a presentación compostelá de TTT Social Center

Creación dun Centro Demostrador Tecnolóxico permanente do Fogar Dixital (CDHD) en Galicia, aberto a todos os produtos, servizos e tecnoloxías propios destes fogares e onde conflúen diferentes axentes, empresas, público e tecnoloxía ao estilo do que existe en Madrid, promovido con notable éxito por AMETIC e o MITyC. O CDHD podería estar situado no Centro de Novas Tecnoloxías de Galicia, ao igual que o Centro Demostrador TIC, e nel terían cabida multitude de produtos e servizos, grazas aos niveis de desenvolvemento tecnolóxicos alcanzados polas empresas galegas do sector.
 Tecnoloxía social, accesibilidade e usabilidade
Todos os plans das AA.PP. avaliarán sistematicamente a accesibilidade nos plans que se poñan en marcha, p. ex., comercio electrónico ou identidade e firma electrónica e garantirán que os sitios web do sector público (e os que presten servizos básicos ao cidadán) teñan o máximo nivel de accesibilidade para 2015
Propóñense proxectos de telecoidado (Telecoidados Integrados para Galicia), accesiblidade e usabilidade web (INCLUSITE) e un Encontro sobre Responsabilidade Social Tecnolóxica.
 Plan de seguridade da información e cumprimento normativo na Xunta de Galicia
Proposta de AGESTIC á Xunta de Galicia de realización dun Plan de Seguridade da Información, para o cumprimento normativo integral en materia de seguridade da información, posto que non se pode esixir aos cidadáns e empresas este cumprimento sen dar exemplo.
 L-administración
Evolucionar a provisión dos servizos públicos actuais cara aServicios 2.0, dispoñibles en todo momento e en todo lugar, cunha experiencia de uso áxil e intuitiva e que fomenten a participación cidadá, a colaboración e a interacción en tempo real.
 Telefonía móbil
Seguintes liñas de actuación no campo das comunicacións móbiles: Seguridade, entrega de vídeo e contidos, servizos financeiros, e-health, cloud computing, internet das cousas, produtividade.
 Innovación e tecnoloxía en cooperación
Establecer un sistema a semellanza do modelo do País Vasco en cooperación para o emprendemento, o apoio ás start-ups, a creación de empresas de base tecnolóxica, o financiamento e a cooperación pública privada
En conclusión AGESTIC, o que pretende con este Documento é que a AMTEGA, que foi unha excelente iniciativa da Xunta de Galicia para unificar os diferentes departamentos relacionados coa Sociedade das Información, actúe como entidade tractora e sirva de apoio ás asociacións empresariais e empresas TIC de Galicia nun novo escenario de desenvolvemento económico.