Google adiántase a outros puxantes e faise con DoubleClick

Trala compra de DoubleClick por parte de Google (que pagou a nada desprezable cifra de 3.100 millóns de dólares converténdose na adquisición máis cara da súa historia), o buscador americano vén de situarse como líder indiscutible do sector da publicidade en liña, desbancando a outros grandes como Yahoo!, AOL e Microsoft.
Con esta millonaria adquisición, Google terá acceso ó software de publicidade de DoubleClick e, sobre todo, á súa inmensa base de anunciantes e axencias, abrindo así novas portas ó crecente negocio da publicidade dixital, un sector que medrou un 36 por cento no pasado ano.