Noia acollerá a 18ª LaconNetwork o vindeiro venres

mércores, 29 de xuño do 2011 Marcus Fernández

A LaconNetwork celebrou o seu primeiro aniversario no recinto coruñés de PALEXCO</A>

Continuando co ciclo de eventos no seu segundo ano de vida, o «momento gástrico de cada último venres do mes dos albaneis da nube, emprendedores, Internet e cloud computing» coñecido como LaconNetwork vai achegarse a Noia o vindeiro venres, concretamente ao local A Tasca Típica sito na rúa Cantón,15.
Este encontro de profesionais e emprendedores de base tecnolóxica está a converterse nun referente do sector TIC ao encadear xornadas informais nas que un nutrido grupo comparte coñecementos, opinións, experiencias e contactos coa desculpa dun xantar que cada mes ten lugar nun punto distinto de Galicia, facilitando así a participación e contribuíndo a certa diversidade entre os asistentes.
A LaconNetwork de Noia sería a xuntanza nº 18 destas xornadas gastronomico-tecnolóxicas, que continúan a gozar boa aceptación entre os profesionais do sector, o que serve de expoñente do dinamismo que vive en Galicia nestes últimos anos.

PUBLICIDADE