O Goberno quere introducir na Lei de Economía Sustentable medidas contra as páxinas web de descargas
martes, 1 de decembro do 2009
José María Chiquillo, senador del PP, acusa á ministra de Cultura de dicir |
De xeito sorprendente,
o Goberno introduciu na disposición final primeira do anteproxecto de Lei de
Economía Sustentable a modificación da Lei de Propiedade Intelectual e da Lei de
Servizos da Sociedade da Información, no que entenden
que autoriza a interrupción do acceso á Internet sen autorización xudicial
aos abonados que descarguen ficheiros protexidos por dereitos de autor, aínda
que esta interpretación parece non axustarse moito ao que realmente di a proposta
de modificación da LSSI (o texto non fai referencia aos usuarios, senón
aos prestadores de servizos).
As modificacións facultarían ao Ministerio de Cultura a «velar pola salvagarda dos dereitos de propiedade intelectual fronte á
súa vulneración polos responsables dos servizos da sociedade da información»
para o que prevén a creación dunha Comisión de Propiedade Intelectual que tería
funcións «de mediación e arbitraxe e de
salvagarda dos dereitos de propiedade intelectual», o que lembra á francesa
HADOPI.
Ante a preocupación suscitada por este anteproxecto de Lei, o ministro de
Industria, Turismo e Comercio, Miguel Sebastián, asegurou que o
Goberno non vai «perseguir aos usuarios»
de Internet senón que actuarán para «evitar
que haxa páxinas de descargas ilegais» e «concienciar aos cidadáns de que hai que respectar a propiedade
intelectual».
A ministra de Cultura, Ángeles González-Sinde, recoñeceu que pretenden que o
seu mnisterio sexa o encargado de protexer os dereitos dos autores na Internet
media, pero quixo deixar claro que «non
se vai cortar Internet a ningún usuario en ningún caso».
Pero o feito de que non se actúe sobre cidadáns senón contra páxinas web non
deixa de ser preocupante, de non mediar unha autoridade xudicial, pois podería
afectar aos dereitos fundamentais. Amais, estas medidas poderían supor unha
ameaza para a Internet, e podería ter efectos opostos ao que perseguen, coma
aconteceu co peche de Napster (que disparou o crecemento de redes P2P), de
xeito que as
medidas contras páxinas que promovan o intercambio de ficheiros poderían «incitar á creación de sistemas tecnolóxicos
moito máis sofisticados».