Samsung pon á venda un televisor 3D de plasma por menos de 1.000 dólares

A tecnoloxía 3D está a xogar forte nos televisores, pero a falta de contidos e o prezo están a ser importantes atrancos para a súa implantación, aínda que ambos factores están a corrixirse paulatinamente, e coma exemplo da normalización dos prezos deste tipo de produtos podemos destacar que o televisor de plasma PN50C490 de Samsung está xa dispoñible nos EE.UU. por menos de 1.000 dólares, polo que entraría nun rango de prezo que moitos consumidores estarían dispostos a asumir para gozar da nova experiencia audiovisual que serve tanto para películas como para retransmisións deportivas e videoxogos.
O televisor en cuestión non é un tope gama, senón que operaría a unha resolución de 720p, e carecería de conectividade coa Internet, pero grazas a que emprega tecnoloxía de plasma achega un excelente contraste nas súas imaxes, polo que satisfará a moitos consumidores. É de agardar que en poucas semanas chegue a Europa por un prezo que podería baixar dos 1.000 euros.