O Internet Explorer 7 semella que xa ten data de saída. Segundo apuntou Microsoft no marco da conferencia Digital Life que se celebra en Nova York, estará dispoñible antes do 27 de outubro. A nova ferramenta de navegación do xigante de Redmond poderase descargar de balde sempre e cando sexamos usuarios de Windows XP.
Segundo sinala Microsoft, o número 7 da saga Internet Explorer inclúe unha serie de interesantes novidades orientadas a satisfacer as demandas de seguridade dos seus clientes. Por exemplo: terá operativo un modo protexido que porá restricións ó acceso de software a información almacenada no noso sistema.
Tamén inclúe xeitos máis sinxelos de limpar o historial, de xeito que o ronsel que deixamos logo de calquera navegación non deixe tantas pegadas indesexadas como ata o de agora. Ademais, o navegador vén cun filtro de phising integrado que iría encamiñado a protexer ós usuarios de acceder a páxinas web empregadas polos responsables destes fraudes en Internet para captar incautos.
O novo navegador de Microsoft estará accesible nunhas dúas semanas
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
