As descargas de música en liña superan en Xapón á venda directa de CDs

Xapón semella que é dun dos países do mundo que mellor asume os cambios no xeito de consumir música, sobre todo nos que atinxen á canle pola que chega ó usuario final. Deste xeito, segundo informa o xornal Nikkei, as descargas de cancións en liña xa son máis cás vendas de CDs nas tendas (o método tradicional): as primeiras subiron un 56% en 2006 e acadaron os 445 millóns de dólares, sendo 423 os beneficios obtidos a través da venda nos establecementos.
Estas cifras, que corresponden ó ano 2006, complétanse cuns datos que desmenten a crenza xeralizada de que o computador é a única porta de entrada á música en liña. Así, de todo o descargado en Xapón nese período, o 90% foi dar ós usuarios mediante o telefono móbil, servizo no que a operadora KDDI semella terse convertido en líder (superou os 100 millóns de descargas a mediados de febreiro) logo de iniciar este vieiro de negocio en 2004.