Prosegue o cuarto foro do Observadorio dos Medios con especial fincapé no xornalismo e as persoas maiores

Segue adiante o cuarto Foro Internacional do Observatorio dos Medios do Colexio Profesional de Xornalistas de Galicia, desta volta emprestándolle especial atención ós vínculos entre Comunicación e Persoas Maiores. O foro, que xa comezou a súa andaina no eido virtual (web do Observatorio) o 12 de febreiro, culminará o 14 de abril no Liceo de Ourense, cunha xornada presencial aberta a tódolos cidadáns e gratuíta (igual có foro virtual). O obxectivo destes encontros é pór en contacto as experiencias e opinións dos sectores académico, profesional do xornalismo e das asociacións, na busca dun xornalismo máis ético e social. Por este motivo, o Observatorio dos Medios fai un chamamento a toda a cidadanía para participaren tanto do encontro virtual (enviando textos ou intervindo nos debates que terán lugar na rede) como da xornada presencial.