Novo pulo do Goberno ós dominios “.es”

O Goberno quere impulsar a toda costa o dominio “.es” entre os cidadáns do estado español e con este fin vén de organizar unha xornada (a primeira) en Madrid que xirou case totalmente arredor desas dúas letras e das súas (moitas, di) posibilidades. A xuntanza, que foi convocada por Red.es (dando exemplo), serve de punto de apoio e de palestra á campaña de promoción do dito dominio, que, segundo apunta a devandita entidade pública-empresarial, é doado, global e barato. Ademais, engadiu, xera confianza e proximidade. Os dominios “.es” están nestre arredor dos 540.000. Segundo Red.es, o incremento dos dominios vén acompañado indisociablemente dunha meirande participación na Sociedade da Información, e viceversa.