O 90 por cento dos alunnos de Audiovisual nas Aulas teñen ordenador na casa

Un estudo levado a cabo polo Consorcio Audiovisual de Galicia e a Consellaría de Educación e Ordenación Universitaria entre os asistentes á cuarta edición da xornada Audiovisual nas Aulas, revela que “preto do 90 por cento dos seus alumnos ten computador na casa”.
Para levar a cabo a investigación, fixéronse ata 1.391 enquisas que representan o 44 por cento sobre o total dos alumnos asistentes das que se extraeu ademais que “o 75,3 por cento dos asistentes dipón de MP3 ou MP4”.
Segundo a opinión dos encargados de realizar o estudo, “estes datos reflicten ás claras a incorporación das novas tecnoloxías entre os alumnos, así como a súa presenza nos fogares galegos”.
Outra das conclusións aportadas pola devandita enquisa achega o uso xeralizado do messenger por parte de máis do 90 por cento dos enquisados, que recoñecen utilizalo habitualmente.
No relativo ó emprego do teléfono móbil, o 85,9 por cento aseguran telo e usalo maioritariamente para comunicarse por SMS.
De tódolos alumnos enquisados, o 74,8 por cento pensan traballar no futuro como profesionais das novas tecnoloxías.