Se Google permite personalizar os seus servizos co nome de dominio de Internet dos seus usuarios a través de Google Apps, dende Microsoft non queren ser menos, e compiten coa súa solución Windows Live Community Builder, que permite aproveitar a súa plataforma Live con correo electrónico, servizo de fotografías, mensaxería instantánea, Writer, LiveDrive e outros servizos baixo dominios personalizados.
Quedaría aberta esta solución tanto para nomes de domino novos (rexistrándoos a través de partners de Microsoft) como para outros actualmente operativos, de xeito que tanto empresas coma entidades sen ánimo de lucro poidan crear comunidades baixo a súa propia marca sen ter que contar cunha grande infraestrutura para iso, xa que se sostería en tecnoloxía de Microsoft.
Ata o momento non se coñecen os detalles de prezos do servizo, pero agárdase que sexa semellante ó que acontece con Google Apps, de xeito que o uso básico resultaría de balde, mentres que para maiores esixencias sería preciso o pago.
Windows Live poderá empregarse con dominios personalizados
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
