Balance positivo das Xornadas Empresas en Red, celebradas

Segundo unha enquisa realizada entre os empresarios asistentes ás Xornadas Empresas en Red celebradas na Coruña, “o 100 por cento dos asistentes quere implantar as novas tecnoloxías no seu negocio e o 61 por cento farao de xeito inmediato”.
Asemade, tódolos asistentes consideran que as Tecnoloxías da Información e a Comunicación (TIC) “son beneficiosas para o seu negocio”.
A enquisa, realizada aos 55 empresarios asistentes, mostra que o 96 por cento dos mesmos conta cun ordenador na súa empresa e o 59 por cento dispón de conexión a Internet. Deste grupo, o 59 por cento dispón, asemade, de páxina web corporativa.
Os muestrario dos empresarios, autónomos e emprendedores que asistiron ás Xornadas representa aos principias sectores de actividade do tecido empresarial galego, os cales, se decantaron máis pola banca electrónica e o marketing en liña como as ferramentas TIC máis valoradas.
En canto á implantación dos sistemas de xestión de clientes (CRM), un 30 por cento xa usa esta ferramenta e un 91 por cento considéraa útil. No que respecta ás solucións móviles de acceso á Rede, un 33 por cento dos empresarios enquisados xa a usan e atópanlle utilidade un 80 por cento.
En xeral o grao de satisfacción das xornadas foi positivo e a valoración global das mesmas (por parte dun 89 por cento dos asistentes) foi de “boas ou moi boas”.