Second Life segregará os contidos adultos

Linden Lab anunciou un cambio na súa política conforme aos contidos adultos en Second Life, de xeito que pasarán a formar parte dun novo continente, o que parece bastante natural, xa que na actualidade son moitos os usuarios que fan uso deste mundo virtual só para actividades que non serían aptas para menores de idade, polo que a segregación sería beneficiosa, permitindo máis liberdade para os adultos e unha maior protección para os menores.
Este cambio no xeito de entender os contidos adultos desenvolverase durante os vindeiros meses, pois deberán definir claramente o que é un contido adulto, preparar métodos sinxelos e fiables para diferenciar entre os distintos tipos de contidos, garantir que os provedores de bens e servizos na actualidade poidan manter a súa actividade no futuro sen problemas nin interrupcións e implementar un sistema efectivo de verificación de idade impedir o acceso a contidos adultos por parte de menores.
Estes cambios serán a longo prazo, de aí que estean a analizar con sumo coidado os pasos a dar, aínda que na actualidade menos dun 5% das parcelas de Second Life poderían considerarse adultos e precisarían dunha mudanza, e aínda que algúns poidan pensar que o afastamento dos contidos para adultos poida ser un problema, as súas consecuencias poderían ser xusto o contrario, pois a centralización de certas actividades podería potencialas.