O autor de Never Gonna Give You Up considérase explotado por YouTube

Nos últimos meses temos falado varias veces do fenómeno do Rickrolling (que levou a Rick Astley a ser considerado coma o mellor artista de todos os temos nos MTV Europe Music Awards) que non deixaba de ser unha broma na Internet que xerou preto de 20 millóns de reproducións do vídeo musical Never Gonna Give You Up, o que non parece estar a ser debidamente compensado ao autor da canción, o músico de 62 anos Pete Waterman, que declarou sentirse «explotado por Google», xa que só recibiu 11 libras esterlinas de YouTube por semellante volume de reproducións.
Waterman asegura que á vista do pago por dereitos de autor, unha emisora de radio local estaría a pagarlle relativamente máis que a Internet polos seus temas, polo que promove unha plataforma para que os autores musicais esixan a YouTube (Google) que pague unha compensación maior polos seus dereitos.
Dende YouTube aseguran que xa chegaron a un acordo de licenzas coa entidade que promove a nova campaña.