Os soportes electrónicos poderían supor un importante aforro na distribución de galeradas

¿Ten sentido que a industria editorial continúe a remitir galeradas a críticos literarios? Dende GalleyCat fan esta pregunta e botan contas, estimando que remitir a un milleiro de redactores 375 galeradas ao ano sairía por uns 1,5 millóns de dólares, mentres que apostar por subministrarlles un Amazon Kindle dende o que poder consultar os documentos custaría 400.000 dólares o primeiro ano (suponse que sairía practicamente de balde en anos sucesivos) de xeito que adoptar un lector de libros electrónicos en vez de facer envíos en papel suporía un aforro de 1,1 millóns de dólares só nun ano.
Estas mesmas contas xa se fixeran co xornal The New York Times, deducíndose que custa a metade regalar aos seus subscritores un Kindle que remitirlles o periódico impreso diariamente.
Vendo estas cifras a pregunta xa non sería se o abandono do papel en certas prácticas vai chegar, senón que a dúbida estaría no prazo de adopción tecnoloxías alternativas (non esquezamos que en Europa aínda non hai un lector de libros electrónicos coa popularidade do Amazon Kindle).