Asus podería revolucionar o sector dos lectores de e-books

Asustek parece querer tomar posicións en distintas familias de produtos informáticos partido do concepto do baixo custo, e tras revolucionar os equipos portátiles co seu Eee PC, podería estar a traballar no seu Eee Reader, o que segundo os rumores sería o lector de libros electrónicos máis barato do mundo, e que podería estar baseado no prototipo de portátil de dobre pantalla táctil que a compañía presentou na pasada edición do CeBIT.
Segundo o presidente da compañía, Jerry Shen, o novo produto podería verse a finais de ano, e desenvolveríase en dúas direccións: un modelo económico e outro premium. Posiblemente tamén retomarían a idea da dobre pantalla (para semellar máis un libro tradicional) e buscaría un equilibrio entre características e prezo, aínda que pensar que poida ser o máis barato do mundo resulta difícil de crer se consideramos que o COOL-ER véndese a 225 euros, aínda que o truco podería estar en que poderían estar a traballar en dispositivos que non dependan da tecnoloxía de papel electrónico, senón en pantalla de cor de baixo consumo (o que abriría moitas posibilidades, aínda que sacrificando autonomía). ¿Poderán trasladar a fórmula dos Eee PC aos dispositivos de lectura de e-books?.