A garantía de Panasonic non cubre os queimados en pantallas de plasma

Ao elixir entre as distintas tecnoloxías dispoñibles actualmente nos televisores domésticos, existen características que tendemos a obviar, e ás veces coñecémolas polas bravas, coma o que lle pasou a un posuidor dun televisor de plasma Panasonic de 42 polgadas, que pese a custarlle no seu momento máis de 1.400 euros, non evitou que cando a pantalla debería estar totalmente en negro, presentaba unha especie de mancha nunha esquina, de aí que remitirse o televisor ao servizo técnico, que tras 2 meses respondéronlle que a mancha era «a mosca de Antena 3» e comentaron que non arranxaban tal problema dentro da garantía da pantalla por corresponder a un «uso indebido» da mesma.
O caso, aparte da mera anécdota (que xerou un intenso debate en Menéame), debería chamar á reflexión a moitos usuarios que queren mercar un novo televisor, pois os problemas de queimado das pantallas de plasma son algo que deberán ter en conta os consumidores que pretendan ver durante moitas horas a pantalla en modo 4:3 (as bandas negras laterais poderían chegar a marcarse) ou as pantallas que vaian a utilizarse en puntos de información. Lembremos que este tipo de problema non é unha novidade, e moitos son os televisores e monitores que presentaban este tipo de problemas, e tamén hai que destacar que existen solucións caseiras que permiten arranxar o asunto mediante a reprodución de certos vídeos que forzan os píxeles para resucitalos (aínda que estes métodos non son infalibles).