O Firefox podería estar a converterse no navegador maioritario nalgúns países

Aínda que a nivel mundial o Internet Explorer continúa a ser o navegador web máis empregado cunha grande distancia fronte aos seus competidores, nalgúns países europeos a cousa non parece ser así, e é o Firefox de Mozilla o que conta con máis seguidores, de xeito que na República Checa, Bulgaria, Estonia, Hungría, Lituania, Letonia, Polonia, Rusia e Ucraína o Firefox contaría co 51,97% da cota de mercado, seguido polo Internet Explorer 7 (15,71%) e o Internet Explorer 8 (7,15%).
Estes cotas de mercado partirían de datos de Gemius, compañía que desenvolve un ranking baseándose nunha mostra de máis de 60.000 millóns de páxinas vistas ao mes nos países indicados, polo que terían certa solvencia (pese a que obter datos obxectivos sobre esta materia resulta bastante complicado, e parece difícil de crer que nun país en concreto un navegador cunha cota de mercado global do 24,07% segundo Net Applications poida dobrar a súa penetración localmente).