Nace a plataforma Libertad 2.0 en oposición á lei anti-piratería

O anteproxecto da Lei de Economía Sustentable (LES) continúa a xerar polémica, e tras a creación da Red SOStenible, temos agora unha nova plataforma, Libertad 2.0, que tamén oponse ás medidas que pretende levar adiante o Goberno, ao que engaden unha oposición ao canon dixital e piden a auditoría das contas das entidades de xestión de dereitos de autor.
A nova plataforma presentouse en rolda de prensa, e inicialmente está integrada polo Foro Liberar, a Asociación para la Defensa de las Libertades y Derechos Civiles, o Club Liberal Español, La Rosa Blanca, Hazte Oír, Cuba en Transición, Profesionales por la Ética, Coruña Liberal, Foro Aragón Liberal e Convivencia Cívica Catalana.
Luis Canal, presidente da Asociación para la Defensa de las Libertades asegura que as medidas recollidas no anteproxecto da LES «vulneran dereitos fundamentais, obstaculizan o desenvolvemento da sociedade da información» e atentan contra o principio de libre prestación de servizos na Internet, e ao seu xuízo, a nova lexislación só respondería a intereses das grandes corporacións multimedia. Engaden que a incorporación da Audiencia Nacional na tutela da Comisión da Propiedade Intelectual é «unha cortiña de fume» e poría aos tribunais aos servizos da industria audiovisual.
Libertad 2.0 comparte obxectivos con Red SOStenible, pero non coincide nalgúns postulados de tal colectivo, de aí que buscasen unha constitución separada.